Монгол орны говь цөлийн бүсэд нутагшин амьдарч байгаа ан амьтдын уух усны эх үүсвэр болсон цөөн тооны булаг шанд нь сүүлийн жилүүдэд тулгамдаад байгаа дэлхийн дулаарал, цаг уурын өөрчлөлт, цөлжилтийн үйл ажиллагаанаас хамааран ширгэж алга болох боллоо. 

Ингэж говь нутагт булаг шанд гардаг газруудын тоо эрс цөөрч байгаагаас гадна хөрсний усны түвшин хурдацтай доошлох болсноор  хулан цавчуур гаргаж, бусад зэрлэг ан амьтан тэрнээс нь ундаалж чадахгүй болж, байгалийн гэх усан хангамжийн эх үүсвэр үгүй болж байнаа. 

Ийнхүү байгалийн зохисгүй өөрчилтөөс болж зэрлэг ан амьтад уух ус эрж, уугуул нутаг орноосоо дайжин одох, замдаа үхэж үрэгдэх, улмаар биологийн төрөл зүйл нь устгах аюул нүүрлэж болзошгүй байна . 

Ийм учраас хүмүүс бид говийн бүсэд оршин амьдарч байгаа цөөнгүй тоотой ан амьтдын усан хангамжийн эх үүсвэрийг нэмэгдүүлэхэд хугацаа алдалгүй анхаарлаа хандуулах хэрэгтэй байна.